منتديات ريمكس مصر
عزيزي الزائر ،، لقد اسعدنا زيارتك لنا ،، ويسعدنا اكثر ويشرفنا انت تنضم الينا ،، تسجيلك معانا يشرفنا ،،
ومشاركاتك تسعدنا ،،

المنتدي للجميع لم نخفى الروابط او الصور عن زورنا الكرام

فزيارتكم لنا اكثر من شرف ونحاول جاهدين ان نوفر كافه الراحه لكم
ونأسف لازعاجك ،،،،،



 
الرئيسيةبحـثالتسجيلدخول
facebook share
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
بحـث
 
 

نتائج البحث
 
Rechercher بحث متقدم
أفضل 10 أعضاء في هذا المنتدى
MR HADY
 
*ITEN*
 
Web Medo
 
sad heart
 
roaa
 
loly
 
khloodelessily
 
الفراشة العاشقة
 
سراج منير
 
LGoker£
 
المواضيع الأخيرة
» شقه للبيع بعزبه الزراعه
اليوم في 14:21 من طرف khloodelessily

» شقة للبيع بالحرس الوطنى
اليوم في 14:17 من طرف khloodelessily

» شقه للبيع بشارع كليه تجارة
اليوم في 14:11 من طرف khloodelessily

» فيلا للبيع طريق شبين الكوم
اليوم في 14:06 من طرف khloodelessily

» الصفوه للتسويق العقارى
اليوم في 12:32 من طرف khloodelessily

» الصفوه للتشطيبات والديكور
اليوم في 10:07 من طرف khloodelessily

» محل للبيع طريق النوادى بنها
الخميس 13 ديسمبر 2018 - 16:06 من طرف khloodelessily

» شقه للايجار شارع تجارة بنها
الخميس 13 ديسمبر 2018 - 13:24 من طرف khloodelessily

» شقة للايجار ببطا
الخميس 13 ديسمبر 2018 - 13:24 من طرف khloodelessily

facebook share

شاطر | 
 

 قصيده جحا ،، هشام الجخ ،، عن حال مصر

اذهب الى الأسفل 
كاتب الموضوعرسالة
MR HADY
المدير العام
avatar

عدد المساهمات : 2572
العمر : 27
الدوله : مصر
المدينه : Dessouk
الــــمزاج :
ذكر

مُساهمةموضوع: قصيده جحا ،، هشام الجخ ،، عن حال مصر    الأحد 17 أبريل 2011 - 21:54

كلمات وفيديو قصيده جحا لهشام الجخ عن حال مصر


شعور سخيف
إنك تحس بإن وطنك شيء ضعيف
صوتك ضعيف
رأيك ضعيف

إنك تبيع قلبك وجسمك
وإنك تبيع قلمك وإسمك
ما يجيبوش حق الرغيف

سألوا جحا عن سر ضحكه
قالك أصل اتنين وشبكو
اللى كان من تحت ميت
واللى كان من فوق كفيف

دا شعور سخيف
وشعور سخيف
إنك تكون رمز الشحاتة
تبنى مبنى للشحاتة
تعمل وزراة للشحاتة

يا ساقية دورى ... عدى فوقى ودوسى
نصبوا عليا وشحتونى فلوسى
ربطونى فيكى .. حتى ما اتغميت
هما اللى فرحوا ووحدى أنا اتغميت

أنا اللى صاحب البيت
عايش بدون لازمة
ولما مرة شكيت
إدونى بالجزمة

أنا اللى زارعك دهب
بتأكلينى سباخ
إن كان دة تقل ودلع
بزيادة دلعك باخ
لا شفت فيكى هنا
ولا شفت فيكى ترف
كل اللى فيكى قرف

كرامتنا متهانة
واللقمة بإهانة
بتخلفينا ليه لما انتى كارهانا

يعنى ايه تبقى إنتى هبة النيل يا مزة
وكل يوم المية تقطع
يعنى ايه لما اشتكى غلو الفاتورة
يقولو تشكى بس تدفع

لما قش الرز ثروة بتتحرق
وأما نفط الأمة ثروة بتتسرق
وأما جلادك على ولادك بيبطش
وأما علمك ما يلاقيش يآكل فيطفش

يعنى ايه نرفع ايدينا بالسلام لجل الغزاة
ويعنى ايه لما ابقى ماشى فى حالى اتشد اشتباه
يعنى ايه لما اتحبس أربع سنين حبس احتياطى

يعنى ايه مش حاسة بالعمر وغلاوته
بتصبى مر العمر ليه
دة انا كنت ح اوهب لك حلاوته

أنا عمرى ما أتأمرت
ولا حطيت شروطى
ومكان ما ترسى مركبك
بابنى شطوطى
أنا كنت جيشك لما مماليلك باعوكى
وكنت يوسف لما عشتى سنين عجاف
وضلوعى دى اللى فى معركة قادش حموكى
وشفايفى دى اللى ما بطلتش فى يوم هتاف
دة انا كل شبر فى أرضك اتمرمغت فيه
وكل يوم عشتيه
أنا اتغذبت بيه

بتكرهينى عيونك السودة
وأيامى اللى فاتت
مانتيش حبيبيتى من النهاردة
حبيبنتى ماتت

علا صوت أدانك جرس
فى الشدة صاحينلك
من امتى كانوا الحرس
هما اللى باقينلك

بعتينى علشانهم
وعنيكى معصوبة
ياهلترى خاينة
ولا زيى مغصوبة

كل الكلام اتقال
والشعر بقى ماسخ
والصبر علو جبال
والظلم شىء راسخ
وطن وغرقان فى النطاعة
كل شىء ريحته نطاعة

علمونا بالعصاية
ورضعونا الخوف رضاعة
علمونا فى المدارس
يعنى ايه كلمة قيام
علمونا نخاف من الناظر
فيتمنع الكلام
علمونا ازاى نخاف
وازاى نكش
بس نسيوا يعلمونا الاحترام
فمتزعلوش
لما ابقى مش باسمع كلامكم
وماتزعلوش لما ابقى خارج عن النظام

مستنى ايه من طفل ربوه بالزعاق
غير المشاكل والخناق
كل اللى بيقولك بحبك دول نفاق
أنا لما قلت لك بحبك
كان نفاق

الحب يعنى اتين بيدوا
مش ايد بتبنى وستميت تيت تيت يهدو
الحب حالة
الحب مش شعر وقوالة
الحب يعنى براح فى قلب العاشقين للمعشوقين
يعنى الغلابة يناموا فى الليل دفيانين
الحب يعنى جواب لكل المسجونين
هما ليه بقوا مسجونين
يعنى أعيش علشان هدف
علشان رسالة
يعنى احس بقيمتى فيكى
إنى مش عايش عوالة

يعنى لما اعرق تكافئيى بعدالة
الحب حالة
الحب مش شعر وقوالة

الحب حاجة ما تتوجدش فى وسط ناس
بتجيب غداها من صناديق الزبالة

بارت مراعينا والبئر قد جفَ
والجوع يكوينا والصبر ما كّفى
والقلب لا يهدا والجرح لا يشفى
ولأننا طوع
زنا لهم خفا
جاءوا بموكبهم
واشتغلت الزفة

الدفة مظبوطة
وأصلا مافيش دفة
والكفة مش مايلة
علشان مافيش كفة

و جحا اللى جاى بالليل لساه بيتخفى
شايف ديدان الغيط سارحة ومارحماشى
من جبنه شاف الدود سابه وراح ماشى
ولا اتكسف للناس
ولا حس على طوله
الناس عشمها كبير جريوا بيشكوله
ضحك جحا ضحكة مواشى
مادام بعيد عن طينى ... ماشى

الدود قاعد لك يا جحا ولابد فى طينك
بعد ما يمص فى دمانا مش حيحلاله الا طينك

احنا اهلك
احنا رجالتك
أمانك
إحنا وقت الشدة سندك
إحنا زادك

يا جحا احمى ولادك
لو كنت عايز تحمى طينك
سوف أرحل
ربما يلقانى من ارجو لقاه
هامشى ويا الشحاتين

وابكى على حلمى اللى تاه
بس مش هاشحت رغيف
هاشحت وطن لله










كَـ/غَيْرٍيْ مـٍـٍنْ آلبَـَـَـَشَرْ لَـمْ آخْتَلٍفْ كَــــــــثيـــرَاً عَنْهٌمْ
آحْيَـَـَآنـَاً غَآمٍضْ°• آبْتَـَسٍمْ رُغْمْ هَـَـَـَـَـَـَمٍيْ °•
آضْحَـَكْ °• رٌغْمْ عَـَـَتـَبٍيْ وَ غَضَبٍيْ °•
لآإيَـَـَعْلَمْ مَـَـَآبـٍـٍيْ سُوَآ ♦️ خَـَـَـَـَـَـَآلـٍقٍيْ وَحْدَهْـ ♦️





[center]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://remix.forumegypt.net
loly
ريمكس جبار
ريمكس جبار
avatar

عدد المساهمات : 416
العمر : 23
الدوله : اليمن
المدينه : السويس
الــــمزاج :
انثى

مُساهمةموضوع: رد: قصيده جحا ،، هشام الجخ ،، عن حال مصر    الأحد 17 أبريل 2011 - 22:03

جاااامدة اووووووووى القصيدة دى
تسلم ايدك ع التوبيك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
MR HADY
المدير العام
avatar

عدد المساهمات : 2572
العمر : 27
الدوله : مصر
المدينه : Dessouk
الــــمزاج :
ذكر

مُساهمةموضوع: رد: قصيده جحا ،، هشام الجخ ،، عن حال مصر    الأحد 17 أبريل 2011 - 22:08

الله يسلمك يا قمر
دا هشام الجخ اللى قولته ليكى قبل كده
ولسا هنزل ليه كتير






كَـ/غَيْرٍيْ مـٍـٍنْ آلبَـَـَـَشَرْ لَـمْ آخْتَلٍفْ كَــــــــثيـــرَاً عَنْهٌمْ
آحْيَـَـَآنـَاً غَآمٍضْ°• آبْتَـَسٍمْ رُغْمْ هَـَـَـَـَـَـَمٍيْ °•
آضْحَـَكْ °• رٌغْمْ عَـَـَتـَبٍيْ وَ غَضَبٍيْ °•
لآإيَـَـَعْلَمْ مَـَـَآبـٍـٍيْ سُوَآ ♦️ خَـَـَـَـَـَـَآلـٍقٍيْ وَحْدَهْـ ♦️





[center]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://remix.forumegypt.net
 
قصيده جحا ،، هشام الجخ ،، عن حال مصر
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات ريمكس مصر :: المنتدي العام :: الادب والشعر العربى-
انتقل الى: